"Ikkinchi raqam ostida o'ynashni rejalashtirgandik. Gol o'tkazib yuborganimizdan keyin taktikamizni o'zgartirdik. Bugun raqibimiz juda oddiy vaziyatda gol urdi. Bu o'yinni tahlil qilamiz. Meni ko'proq jamoamiz azolarining tezroq tiklanishi tashvishlantirmoqda. Keyingi o'yinimiz "Qo'qon-1912"ga qarshi o'tadi", - deydi Dilyaver Vaniev.
- Bu mavsum klub oldiga qanday vazifa qo'yilgan?
- Yigitlarga ishonaman. Jamoamizda tajribali futbolchilar ko'p emas. Ochkolar olishda davom etamiz. O'yindan o'yinga kuchayib boramiz. Bu tarkib bilan Superligada o'rnashib olamiz, shubha qilmasangiz ham bo'ladi.
O'yinga taktikani yigitlarning holati va raqibga qarab tanlayman. Agar uyda o'ynaganimizda balki boshqacharoq o'ynarmidik. Har o'yinda turli tarkibni tushirish rejamizga kirmaydi.
- Natija adolatlimi?
- Agar uchrashuv oxiridagi ikkita vaziyatimizni hisobga olmasak, ha AGMK bugun g'alabaga haqli edi. Bugungi rejamiz shunday edi: himoyada o'ynash va qarshi hujumga o'tish. Afsuski bolalarcha xatolarga yo'l qo'yilsa qo'limdan hech narsa kelmaydi. Ishlashda davom etamiz va uch kundan keyin "Qo'qon-1912" bilan o'ynaymiz.
- Jamoada hujumda muammolar borligi ko'rinmoqda. Sardor Abduraimov va Humoyun Murtozaev "Bunyodkor"ga ijaraga berilgan. Balki ularni qaytarish haqida o'ylab ko'rarsizlar?
- Bu yil barchadan kam gol urdikmi? Hujumda muammolarimiz yo'q. Bu ikki futbolchi "Bunyodkor" klubida ijarada o'ynashmoqda. Ularni kuzatib borayapmiz, statistikasidan ham xabardormiz. Ularni ijaraga olayotganda "Bunyodkor" OCHL pley-off bosqichida o'ynayotgandi. Transfer oynasi yaqin bo'lsa o'ylaymiz, hozircha ular haqida o'ylayotganim yo'q.
Bosh sahifaga
1185