Javlon Guseynov: “Bizga bitta g'alaba kerak. Keyin hammasi yaxshi bo'ladi”

“Andijon” safarda “Zomin” bilan kuch sinashadi. Bo'lajak uchrashuv oldidan himoyachi Javlon Guseynov o'z fikrlarini bildirib o'tdi.

– Mamlakat Kubogidagi yurishimizni birinchi liga jamoasiga qarshi uchrashuv bilan boshlaymiz. “Zomin”ga qarshi jiddiy tayyorgarlik ko'rdik. Futbolda har bir raqibga hurmat bilan qarash kerak bo'ladi. Aks xolda bu yakunda qimmatga tushishi hech gap emas. SHu bois zominliklar bilan o'yinga jiddiy qaramoqdamiz. Aslida birinchi liga klublariga qarshi o'ynash oson emas. Ular nimanidir isbotlash uchun borini berib xarakat qiladi. Bu narsa shaxsan o'zimning ham boshimdan o'tkan.

– Albatta chempionatdagi ikki o'yinida raqibga imkoniyatni boy berganimizdan so'ng yigitlarda ruhiy pasayish bo'ladi. Lekin bunday paytda murabbiy futbolchilarni har tomonlama qo'llab-quvvatlamoqda va ruhiy o'radan olib chiqib ketish uchun astoydil ishlamoqda.

– Bugun Jizzaxda bo'ladigan uchrashuvning ahamiyati biz uchun yuqori. CHunki bo'lajak o'yinlar oldidan ruhan ko'tarilish bo'lishi kerak. Bizga bitta g'alaba kerak. Keyin hammasi yaxshi bo'lishiga ishonaman.