Uchrashuv yakunlangch matubot anjumanida mehmonlar bosh murabbiyi Abdusamad Do'rmonov ishtirok etdi.
"Birinchi bo'limda o'yinimiz qovushdi va hisobda oldinga chiqib oldik. Ikkinchi bo'limda "SHo'rtan" muvozanatni tikladi. O'yinning ikkinchi qismini o'zimiz istagandek o'tkazmadik. Futbolchilar rejadagidek harakat qilishdi va ko'rsatmalarni bajarishdi. Lekin, ayrim kichik xatolar sabab darvozamizdan gol o'tkazib yubordik. Raqib bir kishi kam bo'lib qolgach o'yin tizginini qo'limizga oldik. Ammo, vaziyatlardan foydalana olmadik. Bu - futbol. SHunaqasi ham bo'lib turadi. Nima bo'lganda ham oldinga intilishda davom etamiz. O'zbekiston kubogi guruh bosqichi ishtirokchilari qatoridan joy olishni istagandik. Lekin, o'xshamadi. Bollar Pro ligada kuchsiz jamoa yo'qligini ko'rishdi. 3 iyuldan chempionat bahslariga start beriladi. Xatolar ustida ishlab oldinga qarab harakat qilishdan to'xtamaymiz.
Mansur Saidov ham birinchi bo'limda qo'lidan kelgancha harakat qildi. U tajribali futbolchi. O'yindan oldin ham jamoa etakchisi sifatida gaplashgandik. Ikkinchi bo'limda jismoniy jihatdan toliqib qoldi. Yangi futbolchilarni o'yinni kuchaytirish uchun tushirdik. O'tgan safar bu ish bergandi. Bu gal esa natija bermadi. Kiyinish xonasida bollarga birinchi bo'limdagidek harakat qilishlarini tushuntirdik.
Maqsadimiz har bir o'yinda g'alaba qozonish va yuqori o'rinlar uchun kurashish. Muammo har bir jamoada bor. Bizda ham malum bir muammolar yo'q emas. Buni inobatga olmayapmiz va o'z o'yinimizni kuchaytirish haqida o'ylamoqdamiz. Buni futbolchilarni ongiga ham singdirmoqdamiz. Futbolda g'alaba qozonsangiz o'sish ham bo'ladi va muammolar ham bartaraf etiladi",- deydi Abdusamad Do'rmonov.
Bosh sahifaga
203