Jahon chempionatida Kosta Rika bilan chorak finalga qadar etib borgan Xorxe Luis Pinto rasman BAA milliy terma jamoasining bosh murabbiyi etib tayinlandi. 67 yoshli kolumbiyalik mutaxassis Amirlik jamoasi bilan ikki yillik bitimga kelishdi.
Pinto murabbiylik faoliyati davomida Kolumbiya, Peru, Kosta Rika va Venesuelada chempionlikni qo'lga kiritgan. SHuningdek, JCH-2014da Kosta Rika bilan chorak finalda o'ynagan.
O'shanda jamoa Niderlandiyaga penaltilar seriyasiga ko'ra imkoniyatni boy bergandi. Guruh bahslarida kosta rikaliklar Angliya bilan durang o'ynab, Urugvay va Italiyani mag'lub etishgandi.
Ushbu murabbiy koronavirus tufayli mamlakatni tark etgan Ivan Yovanovich o'rnini egalladi. BAA terma jamoasi JCH-2022 saralash bosqichida o'z guruhida to'rtinchi o'rinda boryapti.
Bosh sahifaga
553