Bobur Zuhriddinov: "G'alabaga ishongandik"
/ Kiritdi: BestMaster O'qilgan: 1256
O'zbekiston Kubogining 1/16 final bosqichidan o'rin olgan "Oq-tepa" - "Obod" (0:5) uchrashuvidan keyin mehmonlar murabbiyi Bobur Zuhriddinovning fikrlari bilan qiziqdik.
- "Oq-tepa"ni hurmat qilamiz, ammo biz bugun g'alabani kutgandik va ishongandik. CHunki bu jamoa bilan o'tgan yilgi hisob-kitobimiz bor edi. Bilasizlar, avvalgi mavsumda ikkala uchrashuvda ham mag'lubiyatga uchragandik. SHu bois o'yinga jiddiy tayyorgarlik ko'rdik va yakunda o'z maqsadimizga ortig'i bilan erishdik.
Bugungi g'alabada biz oliy ligada ishtirok etayotganimiz ham muhim rol o'ynadi. Sababi, biz yangi mavsumga dekabr oyidan tayyorgarlikni boshlagandik. Bu orada xorijda yig'in o'tkazdik. Qolaversa, oliy ligada ham ikkita uchrashuvda maydonga tushdik. Aynan shu jihatlar ham bugungi g'alabaga turtki bo'ldi, deyish mumkin, - deydi Zuhriddinov.
Bosh sahifaga
237
30 Oktyabr 2025, 12:57