O'z maydonida mag'lubiyat tugul durang nimaligini bilmay kelayotgan "Qo'qon-1912" Superliga debyutanti "Mashal"ni qabul qiladi. Xabaringiz bor, muborakliklar ikki yillik tanaffusdan so'ng yana elitaga qaytishdi.
Musobaqa jadvalida "Qo'qon-1912" 12 ochko bilan 3-o'rinni egallab turibdi. Jamoa 6ta o'yindan to'rttasida g'alaba qozonib, ikki bor mag'lubiyatga uchragan. To'shplar nisbati 12-3. "Mashal" esa 6 ochko to'plagan holda 9-o'rinda boryapti. To'plar nisbati 6-5.
Aytib o'tganimizdek, qo'qonliklar uydagi to'rttala o'yinni ham g'alaba bilan yakunlashdi. Baxtiyor Ashurmatov shogirdlari uyda "Buxoro" (3:0), "So'g'diyona" (2:1), "Qizilqum" (4:0) va "Surxon"dan (3:0) ustun kelishdi. Jamoa o'z darvozasidan faqat bitta gol o'tkazgan.
"Mashal" esa hozirgacha bir marta g'alaba qozonib, uch bor durang o'ynadi. SHu paytgacha uch marta safarda to'p tepgan "gazchilar" faqat "Surxon" bilan durang (2:2) qayd eta olishdi. "Bunyodkor" va AGMK bilan kechgan bahslarda esa bir xil 0:1 hisobida imkoniyatni boy berdi. Bugun "Mashal" to'rtinchi bor safarda to'p tepadi.
Imkoniyatlar haqida gapiradigan bo'lsak, "Qo'qon-1912"ning o'z maydonida o'ynashi albatta mezbon jamoaga ustunlik beradi. Buning ustiga qo'qonliklar uyda gol urish bobida muammoga duch kelishayotgani yo'q. "Mashal" esa safarda qiynalmoqda. Lekin bugun muborakliklar ham safardagi ilk g'alabani nishonlashga urinib ko'rishadi.
P.S. Coat 19:00da boshlanadigan uchrashuvni "Sport" telekanalida to'g'ridan to'g'ri kuzatib boring.
 Qo’qon-1912 | Superliga. 7-tur 01/07/2020, 19:00 - : - Boshlanmadi |  Mash’al |
Bosh sahifaga
175