Bugunga kelib uy quruvchilarning oshig'i olchi. Tumaningizga 6 oy bormang, yangi ko'p qavatli uy solib qo'ygan bo'lishadi. U er oldin bolalar o'ynaydigan joy bo'lganmi, mashinalar turadigan joy, farqi qolmadi. Qator, qator uylar tushib yotibdi. Avvallari uylar o'rtasida malum masofa bo'lardi. Odam, odamdek yashashi kerak edi. Elvizak bo'lishi kerak, darahtlar, bolalar o'yingohi, avtoturarjoylar. Hozir tap etib, ikkita ko'p qavatli xonadonlar o'rtasida imorat tushyapti. Mayli, tadbirkorlar qaddini ursin, lekin millionlab bolalar nomidan bitta narsa so'rayman, BOLALAR FUTBOL MAYDONLARIGA TEGMANG!
To'g'ri, bugun bolalar futbolida katta pul yo'q. Lekin 10-15 yil o'tib ularda pul bo'ladi, pul bo'lganda bu ketishda maydon qolmagan bo'ladi. Futbol maydonlari o'rnida ko'p qavatli binolar, savdo markazlari, katta-katta do'kon va bozorlar qurilyapti. Hokimlar o'z viloyat, shahar yoki tumanlarida bolalar futbol klublarini ko'paytirish o'rniga, tap-tayyor joyini "sotvoryapti". Aksar tadbirkorlar bolalar sporti deb katta erlarni olib, 3-4 yilga kichkina maydoncha qurib qo'yyaptida, keyin bosa-bos, uy qurib tashlayapti.
Futbolchilar maydon uchun joy so'rasa, aukciondan sotib ol deydi. Borini buzadi, quraman deganga er bermaydi.
Nodirxo'ja Yuldashev
Bosh sahifaga
242