Diyor Mirzaboev: "Tarkibimizda ikki hujumchi bor xolos, darvozabonimiz ruhiy tushkunlikka tushib qolgandi"

"Uchrashuv haqida nima deyish mumkin? "Bunyodkor" o'yinni nazorat qildi. Yigitlarimizga shijoat etishmadi. Raqib bir kishi kam bo'lib qolgan bo'lishiga qaramay, hujumlarga ega bo'ldi. Futbolchilarimizda nega shijoat kamligini ertaga o'yinni tahlil qilib, keyin xulosa qilamiz. Bizda ham golga tortadigan vaziyatlar bo'ldi. Ibeda bir qator vaziyatlar yuzaga keldi. Gol urib olganimizda o'yin boshqacha kechishi mumkin edi. Nigeriyalik hujumchi qolganlardan oldinda yaxshiroq harakat qilayotgani uchun uni tushiryapmiz.

- Usmonovning saviyasi jamoaga mos kelmapti. Nima sababdan u doim maydonga tushmoqda?
- Tarkibimizda u bilan Litvyakov bor xolos. SHuning uchun maydonga tushirishga majburmiz. Hozircha imkoniyatimizdagi bor futbolchilardan foydalanyapmiz.

- "Bunyodkor" 10 kishi qoldi. "Andijon" bir ochko oldimi?
- Raqib 10 kishi bo'lib ham hujumlarni tindirmadi. SHu sababli, bir ochkoni qo'lga kiritdik deb o'ylayman.

- Bekmuratovga nima deb ko'rsatma berdingiz?
- Bir kishi ko'p bo'lib qolganimizdan keyin uni yonimga chaqirib sal oldiroqqa chiqib o'ynashimiz kerakligini ko'rsatdim. Jizzaxda ham uchta markaziy himoyachi bilan o'ynagan edik. Tarkibda bir kishi ko'p bo'lib o'ynayotganimizda Farhodga himoyaga yotib olmasdan oldinroqqa chiqishni ko'rsatma berdim.

- "Metallurg" bilan o'yindan keyin boshqa darvozabon o'ynay boshladi.
- Aslan Ahrorov debyutini bu yil o'tkazdi. U yosh darvozabon. Ruhiy tushkullikka tushib qolgandi. Darvozabonlar murabbiyimizning ko'rsatmasi sababli, Abdullaevga imkoniyat berdi. SHu sababli, Islomga imkoniyat berishga qaror qildik. O'ylaymanki, Islom o'tgan turda ham, bugun ham yomon o'ynamadi. Darvozabonimiz o'zini bugun ko'rsata oldi.