Baxtiyor Ashurmatov: “Kubok o'yinlariga ham masuliyat bilan yondoshamiz”

- Ochig'ini aytganda, “Zomin” bizga qarshi o'yinda jang qilishini kutgandik. SHu sababli uchrashuvga bir kun qolganida emas balki ikki kun oldin Jizzaxga etib kelib, tayyorgarlik ko'rdik. Kecha va bugun bo'lib o'tgan Kubok doirasidagi boshqa o'yinlarning natijasi bilan tanishib chiqdik. SHunda oliy liga klublari jiddiy qiyinchilikka duch kelganini ko'rish mumkin. Xususan “Olmaliq” jamoasi “Nurafshon” bilan o'yinda qo'shimcha bo'limlarda g'alaba qozongan bo'lsa, “Navbahor” ham qiyinchilik bilan g'alabaga erishdi. “Qo'qon-1912” esa avvaliga mag'lubiyatga uchrab keyinchalik hisobda oldinga chiqib oldi. SHu bois men futbolchilarimga bundan to'g'ri xulosa chiqarib, “Zomin”ga jiddiy tayyorgarlik ko'rishimiz zarurligini uqtirdim - deya gap boshladi Ashurmatov.

- “Zomin” - bu sirli tulpor degan bo'lardim. Tarkibida taniqli futbolchilar bo'lmasligi mumkin. Lekin katta ishtiyoq evaziga muxlislari oldida oxirigacha kurashadi. SHu sababli oson bo'lmasligini takidlagandim. Qaysidir futbolchilarga bu gaplarim tasir qilib, to'liq tayyor xolatda maydonga chiqishdi. Yana ayrimlarida esa birinchi liga klubi bilan o'ynamoqdamiz degan hayol bo'ldi. SHuning uchun o'ylaymanki uchrashuv oson bo'lmadi. 

- “Zomin” jamoasi bugun bizga etarlicha qarshilik ko'rsatdi. SHu bois raqib jamoa tomonidan ko'rsatilgan o'yin uchun ham rahmat aytaman. Bir necha golli vaziyatlardan unumli foydalana olmaganimiz ham biz murabbiylar shtabini o'yin oxiriga qadar tahlikada ushlab turdi. Yigitlarim oxiriga qadar kurashdi. Yakunda esa haqli ravishda g'alaba qozondik. To'g'ri, kamchiliklar ham yo'q emas. Kamchiliklar ustida ishlaymiz. Uchrashuvdan-uchrashuvga o'z o'yinimizni shakllantirib borishimiz kerak. 

- Ushbu qo'lga kiritilgan g'alaba bizga ruhiy jihatdan ustunlikni bag'ishlaydi va kelgusi o'yinlar uchun bu juda muhimdir. 

- Etibor bergan bo'lsanglar ayrim klublar Kubok o'yiniga asosiy futbolchilarini olib bormagan. Biz esa Kubokdagi har bir uchrashuvga masuliyat bilan yondoshmoqdamiz. Bu haqda yigitlarga ham aytib o'tdim. Endi keyingi bosqichda “Qizilqum” bilan ro'baro' kelamiz va shu o'yinda ham g'alaba qozonib 1/4 final bosqich yo'llanmasini qo'lga kiritish uchun ishtirok etamiz. CHempionatda keyingi tur “Qo'qon-1912” bilan muhim uchrashuvni o'tkazamiz. SHunday bo'lsada “Qizilqum” bilan ham asosiy tarkib futbolchilari bilan o'ynaymiz. Ularning har biriga jiddiy yondoshamiz. Oldimizda aniq vazifa bor - deydi Baxtiyor Azamovich.