"O'yinga to'xtaladigan bo'lsam, "SHo'rtan" bilan kubok bahsidan so'ng shogirdlarimda ruhiy jihatdan muammolar bor edi. Lekin, bugungi uchrashuvgacha bo'lgan vaqt oralig'ida bu borada ishladik. Yigitlarga ko'rsatmalarimizni to'liq bajargani uchun rahmat aytaman.
Ko'rdingiz, bellashuv to'liq nazoratimizda o'tdi. O'zimiz yaratgan barcha vaziyatlardan foydalanganimizda hisob bundan ham yirik ko'rinish olardi. Kamchilik har doim bo'ladi. Yutgan o'yinlarimizda ham xatolar kuzatiladi. Futbol xatolarga boy o'yin. Istasak yoki istamasak baribir qaerdadir kamchiliklar yuzaga keladi. CHempioanat endi boshlandi. O'yin sifatini yanada yaxshilash uchun biroz vaqt kerak.
Maqsadimiz hujumkor futbol ko'rsatib muxlislarimizni xursand qilish. Birinchi bo'limdan keyin bollar bilan hisob qaltis ekanligini va xotirjamlikka berilmaslikni gaplashdik. Raqib gol uradigan bo'lsa ruhiy ustunlik ular tomonga o'tib ketardi. Yigitlarga ikkinchi bo'limda hisobni unutib maydonga tushishlarini takidladik.
Keyingi tur haqida? Har bir raqibni hurmat qilamiz. "Oq-tepa" ham o'ziga yarasha kuchli. Yaxshi shakllangan jamoa. Tarkibida bir qator yaxshi saviyadagi futbolchilar jamlangan. Bizni o'zimizni yo'limiz bor. Ularning o'zini yo'li bor. Biz maqsadimiz sari intilishdan to'xtamaymiz. Raqib kim bo'lishidan qatiy nazar maydonga g'alaba uchun tushamiz",- deydi Islom Ismoilov.
Bosh sahifaga
98