"Futbol muxlislarini Pro liga mavsumi boshlangani bilan tabriklayman. Ochilish uchrashuvida "SHo'rtan" maydonida mehmon bo'ldik. Birinchi galda ularni g'alaba bilan tabriklayman. Endi o'yin haqida nima deya olaman? Birinchi bo'limda bizning bollar kurashlarda yutqazgandek ko'rindi. O'yinni yana qayta ko'rib chiqamiz, tahlil qilamiz.
Joriy mavsumdagi maqsadimiz har bir o'yinda g'alaba qozonish va Superligaga yo'llanmani qo'lga kiritish. Buning uchun jamoamiz boshliqlariga rahmat aytib qolaman. Ular bizga barcha sharoitlarni yaratib berishmoqda. Bu birinchi bahs, hali hech narsa yo'qotilgani yo'q. Keyingi uchrashuvlarga munosib tayyorgarlik ko'rib muxlislarni va jamoamiz rahbarlarini xursand qilishga harakat qilamiz. Jamoada moliyaviy tomondan hech qanday muammo yo'q. Hali hammasi oldinda. Aslida rejamiz ikkinchi raqam ostida o'ynash edi. Lekin, tezkor gol rejalarimizni buzib yubordi. Birinchi golni o'tkazib yuborganimizdan keyin oldinga o'tishdan boshqa choramiz qolmagandi. Ahamiyat bergan bo'lsangiz ikkinchi bo'limda gol urish uchun hujum chizig'i vakillarini almashtirdik. Futbolda yutish uchun gol urish kerak. Gol urmasangiz biror narsaga erisha olmaysiz.
Bosh murabbiyni kayfiyati yo'qligi bois matbuot anjumaniga men kirdim. Raqib ikkinchi golni urganidan keyin xotirjamlikka berildi. SHundan foydalanib bosimni kuchaytirdik",- deydi Anvar Berdiev.
Bosh sahifaga
1293