Coca Cola Superliganing navbatdagi turida o'z maydonida "Qizilqum"ni qabul qilgan Andrey Fyodorov shogirdlari yirik 3:0 hisobida g'alaba qozondi. Ushbu uchrashuvdan so'ng esa mezbonlarning tajribali himoyachisi SHerzod Fayziev fikrlari bilan o'rtoqlashdi.
"Hudoga shukur uchta mag'lubiyatdan so'ng g'alaba qozondik. Bizni g'alabadan boshqa narsa qoniqtirmasdi. Yigitlar bilan o'tgan o'yinlardagi muvaffaqiyatsizliklarni unutgan holda maydonga yaxshi kayfiyatda chiqdik. CHunki, yo'qotadigan narsamiz yo'q edi. Bizga chuqurdan chiqib olishimiz uchun bitta yutuq kerak edi, xolos. O'ylaymanki, og'ir kunlar ortdi qoldi. Endilikda yo'qotilgan ochkolarni o'rnini to'ldirishga harakat qilamiz. "Lokomotiv" o'z imidjiga va obro'yiga ega jamoa hisoblanadi. Bunday klubni avvalgi mavqeyini tiklash uchun intilishda davom etamiz",- deydi SHerzod Fayziev.
Bosh sahifaga
123
