Hakimining agenti: “Inter”ga o'tish sabablaridan biri – Zidan. U Ashrafga qo'ng'iroq ham qilmadi”

“Zinedin Zidan Hakimining “Inter”ga o'tishiga sabab bo'ldi. U futbolchi bilan nega hech qachon bog'lanmaganini tushuntirib berishi kerak.

O'ylashimcha, Dani Karvaxal kabi o'yinchi bo'lsa ham “Real”ga qaytish o'rinli bo'lardi. Biroq, olg'a tashlangan qadamdan keyin Hakimining kelajagi porloq bo'lishiga ishonaman. Konte bilan doimiy aloqada bo'ldi, u bilan klubdagi loyihalar haqida gaplashdi, shu tufayli “Inter”ga o'tishga qaror qildik.

Menimcha, Konte kabi top darajadagi murabbiy sen bilan bog'lanib, o'z jamoasida ko'rishni istashi bu rejaning bir qismi ekanligingdan darak demakdir”, deya qayd etgan agent.