Bugun, 6 iyul kuni "Paxtakor" tarkibidagi o'yinlari bilan muxlislar qalbidan joy ola bilgan yarim himoyachi Vladislav Kiryan o'z tavallud ayyomini nishonlamoqda.
Faoliyatini Zarafshonning "Progress" klubida boshlagan Kiryan keyinchalik "Zarafshon", "Qizilqum" jamoalari sharafini himoya qildi. Aytib o'tganimizdek, futbolchilikdagi yulduzli onlari "Paxtakor" jamoasida o'tdi. 2002-2008 yillarda shonli klub safida to'p tepdi. Bir necha bor O'zbekiston chempioni, mamlakat kubogi sohibi bo'ldi.
Vladislav Kiryanni muxlislar o'ng qanot himoya va yarim himoyasida o'ynagan futbolchi sifati bilishadi. Juda tezkor o'yinchi hujumchilarga qanotdan to'p uzatishlarni maromiga etkazardi. 2009 yilda Kiryan Namanganing “Navbahor” klubiga ko'chib o'tdi. 2010 yilning ikkinchi davrasida Toshkentning “Lokomotiv” klubida ko'rinish bergan futbolchi butsalarini mixga ilishga qaror qildi.
O'zbekiston milliy terma jamoasi libosida 17 ta uchrashuvda maydonga tushishga muvaffaq bo'lgan. Ayni paytda u Rossiyaning Belgorod viloyatida yashab, tadbirkorlik bilan shug'ullanmoqda.
Vladislav Kiryan 14-raqamda
Suratda Vladislav Kiryan 14-raqam ostida maydonga tushib kelmoqda
Bosh sahifaga
90