Bu yilgi Superligada hozircha g'alaba qozonmagan "Qizilqum" va "Andijon" o'zaro bahs olib boradi. Turnir jadvalida "Qizilqum" atigi bir ochko bilan oxirgi o'rinni egallab turibdi. "Andijon" esa 4 ochko jamg'argan va 11-pog'onada boryapti.
Aytib o'tganimizdek, har ikki jamoa hozirgacha g'alaba qozongani yo'q. "Qizilqum" o'zining 1 ochkosini safarda "Mashal" bilan o'yinda qo'lga kiritgan. Darvoqe bu jamoa oxirgi to'rtta o'yinda ketma-ket mag'lubiyatga uchradi. Tachmurad Agamuradov shogirdlari AGMK, "Qo'qon-1912", "Paxtakor" va "Lokomotiv" bilan kechgan bahslarda mag'lub bo'lishdi.
"Andijon" esa hozircha to'rt marta durang o'ynab, uch bor mag'lub bo'lgan. "Burgutlar" oxirgi to'rtta bahsning uchtasida durang qayd etishdi. Jamoa "Buxoro", "So'g'diyona" va "Bunyodkor" bilan durang o'ynab, o'z maydonida "Metallurg"ga 0:2 hisobida yutqazib qo'ydi. "Andijon" mavsumni ketma-ket ikki mag'lubiyat bilan boshlagandi. Oxirgi ikkita uchrashuvda durang qayd etdi.
Bugungi to'qnashuvda kim g'alaba qozonsa joriy mavsumdagi ilk uch ochkosini qo'lga kiritadi.
P.S. "Qizilqum" - "Andijon" uchrashuvini soat 20:00dan boshlab "Oilaviy" kanalida to'g'ridan to'g'ri kuzatib boring.
 Qizilqum | Superliga. 8-tur 06/07/2020, 20:00 - : - Boshlanmadi |  Andijon |
Bosh sahifaga
341