Tengma-teng kurashlar ostida o'tgan uchrashuvda mehmonlar ortga 1:2 hisobidagi mag'lubiyat bilan qaytishga majbur bo'lishdi. Ushbu bellashuvdan so'ng "Surxon" jamoasining yagona goliga mualliflik qilgan Jahongir Mehmonov fikrlari bilan o'rtoqlashdi.
"Lokomotiv" bilan o'yin oson o'tmasligini bilardik. Lekin, ularga qarshi avvalgi uchrashuvlarga qaraganda mazmunliroq harakat qildik deb o'ylayman. Mag'lubiyatga uchragan bo'lsakda o'yin jihatdan harakatlarimiz biroz qovushdi. Jamoamizda tajribali va yaxshi futbolchilar yig'ilgan. Ikki kun ichida Ravshan Haydarovdan nimadir oldik. Muhimi kerakli so'zni topib ayta oldilar. Oldingi turlarda nimadir etishmayotgandi. O'sha etishmayotgan narsani murabbiyimiz Ravshan Haydarov topdi.
O'ylashimcha, "Lokomotiv" jamoasida tajribali futbolchilar oldingiga qaraganda kamaygan. Ularning o'rnini yosh iqtidorli futbolchilar egallagan. Yoshlarga ham qachondir imkoniyat berish kerak. SHuningdek, jamoani malakali murabbiy Andrey Fyodorov boshqarmoqda. Mag'lubiyatga uchradik. Hayot davom etadi. Nasib qilsa keyingi o'yinlarda g'alaba qozonishga harakat qilamiz",- deydi Jahongir Mehmonov.
Bosh sahifaga
310