Islombek Karimov: “SHo'rtan” ustidan ahillik evaziga g'alaba qozondik”

G'uzorliklar darvozasiga kiritilgan yagona gol muallifi Islombek Karimov uchrashuvdan so'ng saytimizga intervyu berdi.

- Bugungi raqib “SHo'rtan” oliy liga jamoasi edi. SHunday bo'lsada g'alaba qozonib keyingi bosqich yo'llanmasini qo'lga kiritdik. Uchrashuv avvalida bosh murabbiy bizga raqib tezkor o'yin namoyish etishini bildirgandi. SHu bois qarshi hujum taktikasiga tayanib o'ynashimiz kerakligini uqtirgandi. Guvohi bo'lganingizdek murabbiylar tomonidan ishlab chiqilgan taktika o'zini oqladi. Qarshi hujumda mehmonlarni jazoladik.

- “SHo'rtan” sobiq jamoam. Bu klubga qarshi o'yinda nimanidir isbotlash uchun harakat qilganim yo'q. Lekin yashirmayman oliy liga klubi bo'lgani tufayli shunga monand tayyorgarlik ko'rgandim. 

- Gol urib, jamoamning g'alabasiga hissa qo'shishni juda-juda istagandim. Raqib darvozasini ishg'ol etishimga deyarli 70-80 foiz ishongandim. Albatta maqsadimga erishganimdan xursandman.

- Bizda ichki muhit alo darajada. Futbolchilar o'rtasda munosabat yaxshi yo'lga qo'yilgan. “SHo'rtan” ustidan ham ahillik evaziga g'alaba qozondik degan bo'lardim.

- Endi keyingi bosqichda “Lokomotiv” bilan o'ynaymiz. Mamlakatimizning etakchi klubiga qarshi bahsga ham astoydil tayyorgarlik ko'ramiz. Bu jamoa haqida ortiqcha tarifga xojat bo'lmasa kerak. Kuchli tarkibga ega. SHunday bo'lsada oldindan taslim bo'lmoqchi emasmiz. SHu kuni o'z maydonimizda muxlislarimizni quvontirish uchun g'alaba maqsadida bor kuchimizni ishga solamiz. Futbolda oldindan tahmin qilib bo'lmaydi. To'g'ri, bo'lajak bahsda toshkentliklar favorit. Lekin biz ham qarab turmaymiz.

Islombek Rustambekov.