- Raqib haqida iliq fikrlar aytmoqchiman. Ularning oxirgi uchta o'yinini jiddiy kuzatdik. Ular Germaniya bundesligasi jamoalari qo'llayotgan taktik uslubda o'ynashmoqda. Bu 5-2-3ga o'xshaydi. Ancha qiziqarli taktika deb aytish mumkin. O'zbekistonda bunday o'ynayotgan ilk jamoa sifatida "Mashal"ni aytaman. Jamoaning o'zi ham ancha qiziqarli. Bugun biz maydonda yaxshiroq harakat qildik, ko'plab imkoniyatlarni yuzaga keltirdik. Birinchi bo'limda ko'ngildagidek tez o'ynay olmadik. Ikkinchi bo'limda esa to'liq tashabbusga ega bo'ldik. O'ylashimcha, natija bahsga mos bo'ldi. Lekin biz avvalgidek yaxshi holatga qaytish uchun ko'p ishlashimiz kerak. Jismoniy jihatdan kichik muammolar ko'zga tashlandi. Yanada ko'proq mehnat qilib, eng yaxshi holatga qaytishga intilamiz.
Derdiyok ham, Sergeev ham yuqori saviyadagi hujumchilar. Ehtimol, ularning birga o'ynaydigan payti bo'lib qolar. Bir-ikki marta uchrashuv oxirlarida shunday qildik. Ular bir xil uslubda o'ynaydigan bo'lgani uchun ko'p birga o'ynatish oson emas.
O'yinlar davomida turli holatlar bo'lishi mumkin. SHu sababli Sayfievni o'ng qanotda, Komilovni esa chap qanot himoyasida o'ynatib, o'zimizni tekshirib oldik. Abdullaev uchun juda xursandman. U uzoq muddatli tanaffusdan keyin maydonga qaytdi. Bu bilan uni tabriklayman.
Bosh sahifaga
575