Mazkur uchrashuvdan so'ng "Bunyodkor"ning chap qanotida ajoyib harakatlari bilan ajralib turgan yosh iqtidorli futbolchi Ibrohimhalil Yo'ldoshev fikrlari bilan o'rtoqlashdi.
"Uyda o'tgan so'ngi ikki uchrashuvda birinchi bo'limda to'pni nazorat qildik va raqibga o'z o'yinini o'tkazishga yo'l qo'ymadik. "Navbahor" bilan uchrashuvda birinchi bo'limda ikkita gol urib olganimiz foydamizga ishladi. Ikkinchi goldan keyin o'zimizni yaxshi his qildik va shoshilmasdan to'pni nazorat qildik. Birinchi bo'lim oxirlarida yaqqol golga tortadigan vaziyatlar yaratdik. O'sha vaziyatlarda biroz omad etishmadi.
"Lokomotiv" va "Navbahor" bilan uchrashuvlarni ikkinchi bo'limini taqqoslaydigan bo'lsak, birida gol o'tkazmadik. CHunki, himoyada tartibli harakat qilgandik. Endi kechagi o'yinda tanaffusdan keyin biroz bo'shashdik. To'p nazorati va o'yin tizgini raqib tomonga o'tib ketdi. Bundan foydalanib ular oradagi farqni qisqartirdi. Bitta gol ko'zimizni ochdi. Tezda o'zimizga keldik va uchinchi golni urdik.
Men o'zim ko'proq hujumkor futbolni yaxshi ko'raman. Asosan oldingi chiziqda o'ynayman. SHu bois Abramovni hujumkorlikka moslashgan uslubi manzur keldi.
Ha, albatta. "Bunyodkor"da o'yin amaliyotiga ega bo'layotganim yurtimizda bo'lib o'tadigan Osiyo chempionati oldidan katta foyda keltiradi deb o'ylayman. Boisi, malum bir darajada o'sishga erishasiz.
"Paxtakor" safida maydonga tushganimda hayajon sezilib turardi. "Bunyodkor"da esa unday holatga deyarli tushmadim. Tezda kirishib ketdim. Vadim Karlenovich menga ishonch bildirib asosiy tarkibda maydonga tushirayotgani uchun minnatdorchilik bildirib qolaman.
Osiyo chempionati guruh bosqichida Eron bizga etarlicha qarshilik ko'rsatishi shubhasiz. Har bir o'yin biz uchun qiyin kechadi. Barcha raqiblarga qarshi bir xil tayyorgarlik bilan chiqamiz. Maydonda bor kuchimizni ishga solsak maqsadimizga etamiz deb o'ylayman. Osiyo chempionatida o'zbek xalqini xursand qilishga harakat qilamiz va chempionlik uchun intilamiz",- deydi Ibrohimhalil Yo'ldoshev.
Bosh sahifaga
570