Keskin kurashlarga boy o'tgan uchrashuvda "Zomin" kutilmaganda "SHo'rtan"ni 3:1 hisobida taslim qildi. O'yindan keyin jamoa bosh murabbiyi Jahongir Jiyamurodov fikrlarini bildirib o'tdi.
"O'yin oson o'tmasligini bilgandik. Raqibimiz yaxshi shakllangan, Superliga havosidan nafas olgan jamoalardan biri edi. "SHo'rtan" jamoasidan etishib chiqayotgan yosh futbolchilarning kelajagi bor deya olaman. SHularni hisobga olib shogirdlarimga kerakli ko'rsatmalarni berdim. Ular buni eplay olishdi. Qo'llaridan kelgancha g'alaba uchun harakat qilishdi. To'g'risini aytaman ikkinchi bo'limda o'zimda ham hayajon bo'ldi. CHunki, raqib o'nta futbolchi bilan harakat qilgan bo'lsada, havfli hujumlar uyushtirdi.
Mashg'ulotlarda barcha jihatlar ustida ishladik. Lekin, ko'proq kombinacion hujumlarni tashkil qilish borasida ish olib bordik. Yarim himoyachilarga raqib darvozabonini tahlikada ushlab turish uchun ko'proq uzoqdan zarabalar berish kerakligini aytdim.
Jamoada moliyaviy holat juda ham zo'r deya olmayman. Biroq, yomon ham emas. To'g'risi, bizda bu qadar katta mablag' yo'q. Rahbarlarimiz doim harakatda. Stadion qurib bitkazildi. Yaqin orada bazamiz ham foydalanishga topshiriladi. Hozirda bor etiborni infratuzilmani yaxshilashga qaratganmiz",- deydi Jahongir Jiyamurodov.
Bosh sahifaga
1330