Mazkur uchrashuvdan keyingi matbuot anjumanining navbatdagi qismida "SHo'rtan" bosh murabbiyi Asror Aliqulov ishtirok etdi va jurnalistlarning savollariga javob berdi.
"O'yin og'ir o'tdi. CHunki, o'n kishi bo'lib himoyalanish oson emas. Raqib gollarni asosan standart vaziyatdan urdi. Bollar ozgina diqqatni yo'qotib qo'ydi. Oxirigacha kurashishga harakat qildik. Himoyachilarning xatosi sabab uchinchi golni ham o'tkazib yubordik.
Qizil karchtoka qay darajada tasir qildi? Futbolchilar ham to'liq sport formasida emas. SHuning uchun o'n kishi bo'lib qolib ketish qiyin albatta. Jizzax va Qashqadaryo iqlimi o'rtasida farq bor. SHu bois futbolchilarga bu erda o'ynash qiyinchilik tug'dirdi. Birinchi sariq kartochka berilgan vaziyatda hakam ozgina shoshib qaror chiqardi. Bu vaziyatda jarima zarbasi bilan ham cheklansa bo'lardi.
Hakamga besh ballik tizmda qanday baho beraman? Hakamlarni baholash bizni ishimiz emas. SHunday bo'lsada, futbolimiz rivoji yo'lida futbolchilar, murabbiylar, mutaxassislar, jurnalistlar qanchalik hissa qo'shayotgan bo'lsa, hakamlarning qo'shayotgan hissasi ham bu borada muhim ahamiyat kasb etadi. O'yinni qayta ko'rib chiqamiz, tahlil qilamiz. Lekin, hakam o'yinni boshqarishda ko'p xatolarga yo'l qo'ydi.
"SHo'rtan"da avvalgi qarzdorliklar bor. Lekin, hozirda klubni jamoa olida qarzi yo'q. Mavsum boshida klub tomonidan beriladigan maoshga rozi bo'ladigan futbolchilarni yig'ganmiz. Bir qator futbolchilarni taklif qilmoqchi edik. Ularni maoshi baland bo'lgani uchun olib kela olmadik",- deydi Asror Aliqulov.
Bosh sahifaga
1264