Andrey Fyodorov: "Dinamo" qarshi hujumda yaxshi o'ynadi"

O'yin tom manoda kubok qarama-qarshiligiga mos bo'ldi. Har ikki tomon ham imkon bo'ldi deguncha vaziyat yaratib, hujumga o'tishga intildi. Ayniqsa birinchi bo'limda Dinamo qarshi hujumlarda ancha yaxshi o'ynadi. Ular tezkorroq ko'rinishdi. Biz esa nisbatan sekinroq o'ynab, tizginni o'zimizda ushlashga intildik. Tanaffusda kiritilgan o'zgarishlar samarasini berib ikkinchi bo'lim boshida hisobni ochdik. Biroq gol urganimizdan keyin ancha orqaroqda o'ynadik, raqib esa jarima maydonimizga yaqin o'ynab, xavfli vaziyatlar yaratdi. Yakunda natijani saqlab qolib, Neftchi kubokdagi yurishini davom ettirishidan xursandman - deydi Fyodorov.

Samarqandda yaxshi jamoa tashkil etilmoqda. Jamoa Oliy Ligaga chiqish vazifasini qo'ygan ekan, bu yo'lda yangi murabbiy Ilhom SHaripovga omad tilab qolaman - deydi Neftchi bosh murabbiyi.