Futbolchi sifatida Salkov 1960-1968 yillarda Doneckning "SHaxtyor" klubida o'ynagan.
Murabbiylik faoliyati davomida "Metallurg" (Jdanov), "SHaxtyor" (Doneck), "Torpedo" (Moskva), SSSR olimpiya va milliy terma jamoasi, "Rotor", Rossiya olimpiya terma jamoalarida ishlagan. 2001 yil O'zbekiston milliy terma jamoasi bosh murabbiyi bo'lib ishlagan. Uning qo'l ostida terma jamoamiz 19ta o'yin o'tkazib 10ta g'alabaga erishgan 3ta durang o'ynagan va 6 bor mag'lub bo'lgan.
2000 yilgi sharmandali Osiyo kubogidan so'ng federaciyada katta o'zgarishlar bo'lgandi. O'FF bosh kotibi Zokir Qurbonovning o'rnida Baxtiyor Rahiimov ish boshlagan. U esa o'z navbatida milliy jamoani tubda isloh qilgan. Bosh murabbiylikka Rossiyadan Vladimir Salkovni taklif qilgandi. Uning ketidan bir qator xorijlik futbolchilar Aleksey Dionisiev, Vladimir Maminov, Oleg Pashinin, Aleksey Polyakov, Georgiy Georgiev mahalliylashtirildi.
Vladimir Salkov boshchiligidagi O'zbekiston terma jamoasi 2001 yil Malayziyada tashkil etilgan "Merdeka kubogi"da ishtirok etgandi. Baxtiyor Hamidullaevning so'ngi daqiqalarda urgan “oltin goli” g'oliblik olib kelgandi. JCH–2002 birinchi saralash bosqichi o'yinlari Toshkent va Iordaniyada bo'lib o'tgan. Terma jamoamiz birinchi saralashda birinchi o'rinni olib hal qiluvchi bosqichga chiqqandi. Xitoy, BAA, Ummon, Qatar bilan bir guruhdan joy olgan terma jamoamiz so'nggi turdan oldin Ummon bilan safardagi uchrashuvda 2:0 hisobida oldinda borayotib, yakunda 2:4 hisobida mag'lub bo'lishadi. Bu esa Salkovning istefosiga sababchi bo'lgandi.
Salkovni ko'pchilik o'ta qattiqo'l, talabchan va jahldor murabbiy sifatida eslaydi. U matbuot anjumanlarida jurnalistlarni va futbolchilarni ochiqichasiga tanqid qilardi.
Vladimir Salkov tepada o'ngdan uchinchi.
Bosh sahifaga
1640