O'z maydonida hech kimni ayamayotgan qo'qonliklar nima uchundir safarda ochko olishga qiynalishmoqda. Biz bu borada jamoaning serbiyalik himoyachisi Ivan Yosovichning AGMK bilan o'tgan o'yin va bo'lajak uchrashuvlar haqidagi fikrlari bilan qiziqdik.
"Mag'lubiyatga uchraganimizga qaramasdan yaxshi o'yin namoyish qildik. AGMK jamoasi bilan tengma-teng o'ynadik. Bu borada ulardan ortda qolganimiz yo'q. Ushbu bahsda kim birinchi gol ursa o'sha jamoa g'alaba qozonardi. Hisobda ortda borayotganimizda ham o'yinni tashlab qo'ymadik. Kurash olib bordik. Afsuski, faqat bitta gol ura oldik. Raqib biz yo'l qo'ygan xatolardan foydalandi va ikkita gol urdi.
Sakkizta tur ortda qoldi. Ha, biz uyda alo darajada to'p tepmoqdamiz. Safarda o'tgan uchta o'yinda mag'lub bo'ldik. Lekin, hali oldinda yanada qiyin bo'lgan bellashuvlar kutib turibdi. Safarda ham muhim ochkolarni qo'lga kiritishimizga ishonaman. Endi barchasini unutib, xatolardan to'g'ri xulosa chiqarib "Nasaf" bilan o'yinni o'ylashimiz kerak. Birinchi galda o'z maydonimizda bo'lib o'tadigan "Nasaf" va "Paxtakor" bilan kechadigan uchrashuvlarda g'alaba qozonishimiz shart. Agarda mazkur o'yinlarda uch ochko qo'lga kiritsak yaxshi kayfiyat bilan safarda "Lokomotiv" bilan kuch sinashishimiz mumkin bo'ladi. Muhimi jamoamiz ahil",- deydi Ivan Yosovich.
Bosh sahifaga
421