“O'yin oxirida tashabbusni raqibga topshirib qo'yishimiz bu jismoniy holatimiz bilan bog'liq. Biz yanada yaxshiroq natija uchun bor kuch bilan harakat qilayapmiz, ammo “Real” barcha uchrashuvlarda g'alaba qozonishda davom etmoqda.Uchrashuv oxiri asabiy kechdi. Bu bizning birinchi bo'limdagi vaziyatlarni gollarga aylantira olmasligimiz bilan bog'liq.
Biz “Valyadolid” beshta himoyachi bilan harakatlanishini kutgandik. Biz ham shunday taktikani tanlab, ularga qanotlar orqali bosim uyushtirishni reja qilgandik. Agar ular Busketsni “yopib” qo'yishsa, markaziy himoyachilardan biri orqali hujumga otlanishni maqsad qilgandik. 30-35 daqiqagacha o'yin ajoyib kechdi va o'shangacha hisobni yiriklashtirish imkoniyati ham bo'ldi. CHarchash tufayli ikkinchi bo'limda ko'p vaziyatlarda raqibga imkoniyatni boy berdik va himoyalanishga majbur bo'ldik.
O'tgan o'yindan 72 soat vaqt o'tib, keyingi bahsni o'tkazishga majbur bo'layapmiz. Havo issiq ham edi. Ayrim o'yinchilarimizda charchash alomatlari yaqqol ko'zga tashlandi.
Grizmann o'zini yaxshi his qilmaganligi uchun alishtirishlarini so'radi. O'zgarish mantiqan to'g'ri. U ketma-ket beshta o'yindan buyon maydonga tushmoqda va u dam olishi lozim edi. Messi nima uchun almashtirilmadi? Hisob qaltis edi. Agar boshqacha hisob bo'lganida, ko'plab futbolchilarga dam berilardi”, dedi murabbiyi.
Bosh sahifaga
74