Tojik futboli afsonalaridan biri, o'z paytida Tojikiston terma jamoasi, "Istiqlol" klubi, shuningdek Toshkentning "Lokomotiv" klubida faoliyat olib borgan ushbu mutaxassis Tojikiston chempionatida 2-o'rinda borayotgan "Xo'jand"ni boshqaradi.
Malumki, ushbu jamoani yil boshidan beri serbiyalik Nikola Lazarevich boshqarib kelayotgandi. Biroq koronavirus pandemiyasi sabab uyiga ketgan murabbiy shu bilan ortga qayta olmayapti. Natijada o'zaro kelishuvga ko'ra shartnoma bekor qilindi va klub rahbariyati Hakim Fuzaylov bilan shartnoma imzoladi.
Hakim Fuzaylov 1964 yil 12 avgustda Qo'rg'ontepada tug'ilgan. UEFA Pro licenziyasiga ega. Asosan "Pomir" safidagi o'yinlari orqali xalqqa tanilgan. 1992 yil "Lokomotiv" Moskva safiga yo'l olib faoliyatini Rossiyada davom ettirgan hamda bronza medallarni qo'lga kiritgan.
Hakim Kayumovich murabbiylik faoliyatini "Buxoro" klubida boshlab, keyinchalik Samarqandning "Dinamo" jamoasini boshqargan. 2005-2011 yillar oralig'ida "Rostov" hamda "Lokomotiv" Moskva klublarida selekcioner sifatida faoliyat olib borgan. 2012 yil Toshkentning "Lokomotiv" jamoasida faoliyat yuritgan.
Bosh sahifaga
578