Medallar uchun harakat qilayotgan "Navbahor" o'z maydonida "Qizilqum"ni qabul qiladi. Turnir jadvalida "Navbahor" 14 ochko bilan 7-o'rinni egallab turibdi. To'plar nisbati 13-8. "Qizilqum" hisobida hozircha 2 ochko mavjud va bu jamoa 13-pog'onada kelyapti. To'plar nisbati 4-17.
Ketma-ket uchta g'alabaga erishgan "Navbahor" o'tgan tur "Bunyodkor"ga 1:3 hisobida yutqazib qo'ydi. Aytish mumkinki, bu bahsda "lochinlar" juda bo'sh harakat qilishdi. Mana endi "Navbahor" mag'lubiyat alamini bugun "Qizilqum"dan olishga urinib ko'radi.
Ochko esa o'z navbatida navoiyliklarga ham suv va havodek zarur. Negaki bu jamoa mavsum boshidan beri hali g'alaba qozongani yo'q: 2ta durang va 6 mag'lubiyat. Bundan esa Tachmurod Agamuradov xafa bo'layotgani bor gap. SHamakovich yangi jamoasida ilk g'alabasini qachon qo'lga kiritadi, bunisi endi qorong'u.
"Navbahor" bugun o'z maydonida to'rtinchi uchrashuvni o'tkazadi. Avvalgi 3ta bahsning hammasida maydon egalari g'alaba qozonishgan: "Lokomotiv" 2:0, "Buxoro" 2:0 va "So'g'diyona" ham 2:0. Ko'rib turganingizdek, "Navbahor" o'z maydonidagi o'yinlarda hali gol o'tkazmagan va uchala bahsni 2:0 hisobida o'z foydasiga hal etgan.
"Qizilqum"ga kelsak, bu jamoa bugun to'rtinchi bor safarda to'p tepadi. Navoiyliklar safarda faqat "Mashal"dan ochko ola bilishgan, "Qo'qon-1912" va "Lokomotiv" bilan kechgan o'yinlarda esa yirik mag'lubiyatga uchragan. Va oxirgi ikkita safar bellashuvida "Qizilqum" o'z darvozasidan 7ta gol o'tkazib yubordi.
P.S. Bugun soat 20:00da boshlanadigan uchrashuvni "Mahalla" TVda to'g'ridan to'g'ri kuzatib boring.
 Navbahor | Superliga. 9-tur 13/07/2020, 20:00 - : - Boshlanmadi |  Qizilqum |
Bosh sahifaga
1595