Toshkentda turnir jadvali peshqadamlari o'zaro bahs olib boradi. "Paxtakor" - AGMK. Bu o'yin oldidan ko'p gapirilyapti. Buni Arveladze - Qosimov qarama-qarshiligi desa ham bo'ladi. Gruzin va o'zbek futbolining yorqin namoyondalari bosh murabbiy sifatida o'z jamoalarini boshlab tushishadi.
"Paxtakor" turnir jadvalida 21 ochko bilan peshqadamlik qilyapti. To'plar nisbati 22-4. AGMK hisobida 20 ochko bor va bu jamoa ikkinchi o'rinni egallab turibdi. To'plar nisbati 11-4.
Bir qarashda AGMK kam gol urayotgandek, lekin mustahkam himoyalana olyapti. SHu bois AGMK "Paxtakor" bilan eng kam to'p o'tkazib yuborgan jamoa bo'lib turibdi. Yana bir malumot shuki, AGMK hali mag'lubiyatga uchramagan.
"Paxtakor" oxirgi 4 turda qatorasiga g'alaba qozondi. SHota Arveladze shogirdlari ketma-ket "Bunyodkor", "Qizilqum", "Surxon" va "Mashal" ustidan zafar quchishdi. Mana shu o'yinlarda "Paxtakor" 13ta gol urib, o'z darvozasidan faqat bitta to'p o'tkazib yubordi. U ham bo'lsa penaltidan.
Mavsumni ketma-ket ikkita durang bilan boshlagan AGMK shundan beri faqat g'alaba qozonib kelmoqda. Mirjalol Qosimov shogirdlari navbati bilan "Bunyodkor", "Qizilqum", "Surxon", "Mashal", "Nasaf" va "Qo'qon-1912" jamoalaridan ustun kelishdi. Jamoa yutgan o'yinlarda 9ta gol urib, o'z darvozasidan 2 bor to'p o'tkazdi.
Bugungi o'yinda imkoniyatlarni qanday baholash mumkin? Albatta, "Paxtakor" tarkib va o'yin jihatdan kuchliroq, lekin olmaliqliklar ham qarab turmasa kerak. Har holda Mirjalol Qosimov natija uchun o'ynashni juda yaxshi biladi.
Agar AGMK g'alaba qozona olsa, bu chinakam sensaciya bo'ladi. Negaki "konchilar" shu paytgacha Toshkentda faqat bir marta (2013 yil) "Paxtakor"ni mag'lub etishgan.
P.S. Soat 20:00da boshlanadigan uchrashuvni "Sport" TVda to'g'ridan to'g'ri kuzatib boring.
 Paxtakor | Superliga. 9-tur 13/07/2020, 20:00 - : - Boshlanmadi |  AGMK |
Bosh sahifaga
428