“Al-Jayish” peshqadamni mag'lub etdi, Rashidov o'ynamadi
/ Kiritdi: BestMaster O'qilgan: 1062
Qatar Yulduzlar ligasining 23-tur markaziy uchrashuvida musobaqa jadvalida yakka peshqadamlik qilayotgan “Al-Rayyan” hamda hamyurtimiz Sardor Rashidov to'p tepayotgan “Al-Jayish” klublari o'zaro to'qnash keldi.
Ushbu o'yinda “Al-Jayish” kuchli raqibini 2:1 hisobida mag'lub etishning uddasidan chiqdi. Hamdalloh (54-pen) va Romarino (64) kiritilgan gollarga mualliflik qilishdi. “Al-Rayyan”dan yagona javob to'pini 51-daqiqada Tabata penaltidan kiritdi.
Ushbu uchrashuvda Sardor Rashidov zaxirada qoldirildi. Bu g'alabadan so'ng “Al-Jayish” 43 ochko bilan ikkinchi o'rinni egallab turibdi. “Al-Rayyan” esa 61 ochko bilan karvonboshilikni davom ettiryapti. Endi Rashidov terma jamoamiz yig'iniga qo'shiladi. Aynan uning chiroyli goli evaziga Qatar klubi "Nasaf" jamoasini OCHL 3-turi doirasida mag'lub etgan edi.
-=A$YROW=- 
Bosh sahifaga
1845
2 May 2021, 10:40