"Bugun ikki jamoa ham hujumkor o'yin ko'rsatdi. Buni darvozalarga kiritilgan to'plardan ham bilsa bo'ladi. O'zimni jamoam haqida gapiradigan bo'lsam, hujum va himoya o'rtasidagi balansni ushlay olmadik. SHuni hisobiga yaratilgan ko'plab vaziyatlarni qo'ldan boy berdik. Himoyada eng ishongan va tajribali futbolchilarimiz yosh bolalarcha xatolarga yo'l qo'ydi.
Tezkor gol kutmagandik. Albatta, bu bollarni ruhiyatiga tasir qildi. Futbolda maylonga tushganingizdan so'ng oldindan nima bo'lishini bilmaysiz. Ikkinchi bo'lim uchun yigitlarga alohida rahmat aytaman. CHunki, ular biz o'ylagan rejalarni va g'oyalarni maydonda ko'rsatib bera olishdi. Ikkinchi bo'lim to'liq ustunligimiz ostida o'tdi. Futbolda imkoniyatlardan foydalangan jamoa g'alaba qozonadi.
Jamoamizga alohida fitnes murabbiyi, dietolog va boshqa mutaxassislarni jalb qilganmiz. SHu kungacha etibordan chetda qolgan narsalarni tubdan o'zgartirmoqdamiz. Futbolchilar bularni to'g'ri qabul qilishmoqda. To'g'ri, natija o'xshamayotgandir. Mana bugun ham bollar ikkinchi bo'limda yaxshi o'yin namoyish qilishdi.
Kubok bahsidan keyin bizda o'zgacha ishtiyoq bor edi. Ularni G'uzorda yutishni istagandik. Umuman olganda "SHo'rtan" yaxshi shakllangan jamoa hisoblanadi. Jamoada tajribali murabbiy ishlamoqda. Asror aka Aliqulov o'tgan yili "Mashal"ni Superligaga olib chiqdi. Mendan ko'ra ancha tajribali.
Murod Ismoilov hayotda otam bo'ladilar. Klubda esa yordamchi, tahlilchi murabbiylar. Ularni mutaxassis sifatida jamoaga jalb qilganmiz. Buni futbolchilar to'g'ri tushunishlarini istardim. O'yinlarni tahlil qilishga yordam beradilar va xatolarimizni aytib mashg'ulotlarda yordam beradilar.
"Turon" jamoasini oldiga Superligaga chiqish vazifasi qo'yilgan. Buning uchur rahbariyat tomonidan barcha sharoitlar yaratib berilmoqda",- deydi Islom Ismoilov.
Bosh sahifaga
211