"Assalomu alaykum! "Istiqlol" jamoasini g'alaba bilan tabriklayman. O'ylab qaraydigan bo'lsak, bugungi raqibimiz irodali g'alabaga erishdi. O'zlaring guvoh bo'ldinglar, birinchi bo'limda ko'plab vaziyatlarda ustunlik qildik, birinchi raqamli bo'lib o'ynadik. Lekin, ikkinchi bo'limda o'yinimiz qovushmadi.
Kuni kecha jamoamiz futbolchilari uzoq yo'l bosib kelganliklari tufayli charchoq o'z tasirini ko'rsatmasdan qolmadi. Ochig'ini aytganda har ikki bo'limlar bir-biridan farq qildi. Ikkinchi bo'limda ko'rsatgan o'yinimizga tushunolmadim. Hozirgi etishib chiqayotgan yoshlarda ozgina g'urur va shijoat etishmayotgandek. Futbolga keldimi, faqat g'alaba uchun o'ynashi kerak, maydonga o'z-o'ziga ishonib tushishi kerak.
Navbatdagi o'yinlarda g'alaba qozonib, jamoamiz muxlislarini xursand etamiz degan umiddaman. Barchaga rahmat" - deydi "Zomin" ustozi.
Bosh sahifaga
1088