Xo'sh, OFK nega OCHL g'arbiy mintaqasidagi o'yinlarni o'tkazish uchun Toshkentni emas, Dohani tanladi?
Birinchidan, g'arb mintaqasining 4ta guruhdagi barcha o'yinlari bitta mamlakatda bo'lib o'tishi kerak. Sababi 1/4 va 1/8 finallar ham aynan shu davlatda bo'lib o'tadi. SHunday ekan, faqatgina Qatar va BAA barcha o'yinlarga mezbon qila oladi. O'zbekiston esa bunga tayyor emas. Sababi mamlakatimizda bu o'yinlarni qabul qilish uchun stadionlar va infrastruktura etarli darajada emas. Bundan tashqari, O'zbekistonda epidemiya bilan bog'liq holat yaxshi emasligini ham qo'shimcha qilish mumkin.
Bizda maksimum 2ta guruh o'yinlari o'tkazilishi mumkin edi, OFK esa 4ta guruh o'yinlarini o'tkaza oladigan mamlakatlarni o'rgandi. Bunday talablarga esa faqat Qatar javob bera oladi.
Qatar bundan tashqari klublarning turar-joyi, xavfsizlik va tibbiy reglamentning to'liq taminlanishini kafolatladi.
Tabiiyki OFKda Qatardan boshqa variant yo'q edi. Bundan tashqari, Qatar bu orqali JCH-2022 o'tkaziladigan stadionlarni tekshirib oladi. Qayd etish kerakki, Toshkentning "Paxtakor" klubi JCH-2022 uchun qurilgan stadionlarda tep tepadigan ilk jamoalardan bo'ladi.
→ OCHL. G'arb mintaqasidagi o'yinlar qaerda bo'lib o'tishi va "Paxtakor"ning o'yin sanalari malum bo'ldi
Bosh sahifaga
306