"Ha, bugun o'yinni stadiondan kuzatdik. Maydonda haqiqiy jang bo'ldi. "Neftchi" avvalgi ikki turda mag'lubiyatga uchramay kelayotgandi. "Oq-tepa" ham yomon o'yin ko'rsatmayotgandi. Barchaning og'zida shu jamoa. Yuqori maqsadlarni qo'ygan. SHu sababli qiziqarli o'yin bo'lishini oldindan bilgan holda tomosha qilgani keldik. Haqiqatdan ham bellashuv jangovar muhitda o'tdi. Ikki jamoada ham vaziyatlar ko'p bo'ldi. Menimcha bu o'yinda "Neftchi" yutishi kerak edi. CHunki, deyarli 4-ta 100 foizlik vaziyatlarni golga aylantira olmadi. 1:0 hisobini oxirigacha ushlay olishmadi. "Oq-tepa" ham uyda o'ynayotgandi, bor kuchini tashladi. Mezbonlar oxirigacha kurashdi va qimmatli bir ochkoni oldi. To'g'ri,"Neftchi" uch ochko yo'qotdi, lekin bir ochko bilan ortga qaytadigan bo'ldi. Bunaqa o'yinlar qancha ko'p bo'lsa, Pro liga shuncha kuchayadi.
Ha, Pro ligani translyaciya qilinishi haqidagi xabarni eshitdik. Sport kanali bo'ladimi yoki Uzreportmi o'yinlarni sifatli darajada muxlislarga etkazib berishlariga tilakdoshman. Bu o'zbek futboliga foyda bo'lishi tabiiy. Muxlislar ko'rishadi, tomosha qilishadi. Maydondan qaralganda o'yinni kartinkasini umumiy ko'rish qiyin. Televizordan chiroyli qilib sifatli uzatilsa o'yin boshqacha bo'ladi. Bundan futbolimiz yutadi va muxlislarni qiziqishi ortadi", - deydi Timur Kapadze.
Bosh sahifaga
2999