Tasdiqlanmagan malumotlarga ko'ra, Moskva klubi futbolchi uchun "Bunyodkor"ga 350 ming evro to'laydi.
Bizga malum bo'lishicha Turkiyaning "Beshiktosh" klubi ham Jaloliddinovga qiziqish bildirgan va "Bunyodkor"ga rasmiy taklif yuborgan. Turkiya klubi futbolchi uchun 400 ming AQSH dollari (taxminan 350 ming evro) berishga tayyor edi. Bundan tashqari "Beshiktosh" Turkiya chempioni bo'lsa va Jasur 15ta o'yin o'yinda kamida 45 daqiqadan o'ynasa bonus tariqasida 50 ming AQSH dollari, agar "Beshiktosh" chempion bo'lsa va Jasur 30ta o'yinda kamida 45 daqiqadan o'ynasa bonus tariqasida yana 50 ming AQSH dollari bermoqchi bo'lgan. Keyingi transfer pulidan "Bunyodkor"ga 10 foiz to'lanar edi. Futbolchining o'ziga esa oyiga 15 ming evro maosh taklif qilingan.
Biroq Jasurning o'zi Rossiya klubiga o'tishni istadi va "Bunyodkor" rahbariyati uning istagiga qarshi bormadi.
"Rossiya chempionatida o'ynashni istadim. SHu bois "Beshiktosh" emas "Lokomotiv" variantini tanladim. "Bunyodkor" rahbariyatiga tanlovimni hurmat qilishgani uchun rahmat aytaman", - deydi Jaloliddinov championat.asia saytiga bergan intervyusida.
Bosh sahifaga
213