Klublar topshirgan test natijalari aniq bo'lmasdan turib, O'zPFL bir qarorga kelishi qiyin bo'lmoqda.
SHundan kelib chiqib, ertaga — 20 iyul kuni bo'lib o'tishi kerak bo'lgan “Surxon” va “Navbahor” U-21 jamoalari o'rtasidagi uchrashuv 22 iyul kuniga qoldirildi. Hattoki klublarning asosiy tarkiblari 21 iyul kuni maydonga chiqishlariga to'g'ri kelsa ham, noodatiy tarzda o'rinbosarlar bir kun keyin kurash olib boradi.
“Surxon” va “Navbahor” asosiy tarkiblari o'yini masalasiga ertaga — 20 iyun kuni oydinlik kiritiladi. Bunda O'zPFL “Surxon” futbolchilari topshirgan test natijalariga diqqatini qaratadi.
Hozirga qadar Qarshi shahrida kechishi kutilayotgan “Nasaf” — “So'g'diyona”, Olmaliqdagi AGMK — “Lokomotiv” va Navoiydagi “Qizilqum” — “Buxoro” uchrashuvlarini o'tkazish bilan bog'liq muammolar yo'q. Qolgan barcha uchrashuvlar masalasiga ertaga oydinlik kiritiladi. Ertaga barcha klublar rahbarlari va bosh murabbiylari bilan onlayn videokonferenciya o'tkaziladi.
O'zPFL futbol jamoatchiligidan bugungi vaziyatni to'g'ri tushunishni so'raydi hamda noqulayliklar uchun uzr so'raydi. SHuningdek, barcha o'zgarishlar rasmiy saytda o'z vaqtida yoritib borilishini malum qiladi.
10-tur
21 iyul, seshanba
19:00 SURXON — NAVBAHOR
19:00 NASAF — SO'G'DIYONA
22 iyul, chorshanba
19:00 MASH'AL — ANDIJON
19:00 AGMK — LOKOMOTIV
23 iyul, payshanba
19:00 QO'QON-1912 — PAXTAKOR
19:00 QIZILQUM — BUXORO
19:00 BUNYODKOR — METALLURG
Bosh sahifaga
183
