MTJ to'liq tarkibda mashg'ulot o'tkazdi

O'zbekiston terma jamoasining Filippin va Bahraynga qarshi o'yinlari oldidan Toshkentda tashkil etilgan yig'in qizg'in kechmoqda. Samvel Babayan boshchiligidagi bosh jamoamiz Filippin va Bahraynga qarshi bellashuvlarga jiddiy tarzda yondoshmoqda. Bugundan etiboran terma jamoa lageriga uch nafar etakchi futbolchilarimiz: Odil Ahmedov, Vitaliy Denisov va Sardor Rashidov kelib qo'shilishdi. Babayan nihoyat to'liq tarkib bilan Filippinga qarshi uchrashuvga tayyorgarlikning hal qiluvchi bosqichini boshladi. Kengaytirilgan tarkibdan o'rin olgan Dostonbek Hamdamov, Jaloliddin Masharipov va Jamshid Iskanderov jarohatlari bois terma jamoa yig'inini tark etishgandi. Sardor Mirzaev va Oleg Zoteevga esa Babayan kuni kecha javob berib yuborgani haqida malumot bergandik.

Bugun terma jamoamiz quyidagi tarkib bilan shug'ullandi:

Darvozabonlar: Aleksandr Lobanov (“Persepolis” – Eron), Ignatiy Nesterov (“Lokomotiv”), Eldor Suyunov (“Nasaf”).

Himoyachilar: Davron Xoshimov (“Paxtakor”), Anzur Ismoilov (“CHanchun Yatay” – Xitoy), Egor Krimec (“Beyjin Goan” – Xitoy), Islom To'xtaxo'jaev (“Lokomotiv”), Kamoliddin Tojiev (“Paxtakor”), Vitaliy Denisov (“Lokomotiv” – Rossiya).

Yarim himoyachilar: Javohir Sohibov (“Paxtakor”), Odil Ahmedov (“Krasnodar” – Rossiya), Azizbek Haydarov (“Ash-SHabob” – BAA), Fozil Musaev (“Sepahon” – Eron), Sardor Rashidov (“Al-Jaish” – Qatar), Sanjar Tursunov (“Um-Salal” – Qatar), Stanislav Andreev (“Paxtakor”), Otabek SHukurov (“Bunyodkor”), Server Jeparov (“Lokomotiv”), Jasur Hasanov (“Lokomotiv”), Sanjar SHoahmedov (“Lokomotiv”), Eldor SHomurodov (Bunyodkor”).

Hujumchilar: Aleksandr Geynrix (“Ordabasi”), Igor Sergeev (“Paxtakor”), Marat Bikmaev (“Lokomotiv”).