Mirzohid G'ofurov: "Kubokda g'olib chiqish uchun bor imkoniyatimizni ishga solamiz"

Biz bu borada "Navbahor"ning etakchi futbolchisi Mirzohid G'ofurovning fikrlari bilan qiziqdik. 

"O'zbekiston kubogining guruh bosqichiga tashlangan qura borasida gapiradigan bo'lsam, albatta raqiblar kuchli. AGMK va “Metallurg” Coca Cola Superliga bahslarida ham yaxshi ishtirok etishmoqda. “Andijon”ga qarshi kechadigan har qanday o'yin esa “vodiy derbisi” maqomida bo'lishi aniq. SHunday ekan, oson guruhga tushmadik. Ammo, jamoamiz o'z oldiga yuksak vazifalarni qo'ygan. Bilasiz, O'zbekiston kubogi finali Namanganda o'tkaziladi. SHuning uchun O'zbekiston kubogi bahslarida munosib ishtirok etib, billur sovrinni qo'lga kiritib, muxlislarga quvonch ulashish niyatidamiz. Buning uchun barcha imkoniyatimizni ishga solamiz",- deydi Mirzohid G'ofurov.