Bugun butun dunyoning etiborida "Lester" - "Manchester Yunayted" hamda "CHelsi" - "Vulverxempton" uchrashuvlari bo'ladi. O'z navbatida biz ham fokusni shu tomonga qaratamiz.
"Lester" - "Manchester Yunayted"
1-davradagi o'yin: 1:0 ("Manchester Yunayted" foydasiga)
 Leicester City | Premier League . 38-tur 26/07/2020, 20:00 - : - Boshlanmadi |  Manchester United |
Stadion: King Power Stadium
Bosh hakam: Martin Atkinson
Mankunianliklar o'tgan yilning sentyabr oyidan buyon ilk marta 3-o'ringa ko'tarilib oldi. Aslida bu holat 36-turda yuz berishi mumkin edi, biroq jamoa o'z maydonida "Sautgempton"ni mag'lub eta olmadi. Sulsher tarkibda rotaciyaga unchalik qo'l urmayapti, 5 kun ichida Maguayr, Fernandesh kabi etakchi futbolchilar 90 daqiqadan 3ta o'yinni o'tkazishdi. SHuningdek, ushbu mavsumda David de Xeaning o'yinlari ham o'xshamayapti.
Agarda ushbu o'yinda mezbonlar g'alabaga erishsa, kelasi mavsumda ECHLda o'ynaydi. Agarda durang qayd etilsa, "Lester" "CHelsi"ning natijasiga qarab qoladi, MYU esa kamida saralash yo'llanmasini hal qiladi. Har qanday hisobdagi g'alaba mankunianliklarga 3-o'rinda qolishiga sabab bo'ladi.
Umuman olganda MYU, "CHelsi" va "Lester" jamoalarining gollar farqida faqatgina londonliklarning natijasi yomon, +13, qolgan ikki jamoada esa bu natija +28ni tashkil qiladi. Lekin "CHelsi"ning hozirgi holati nisbatan yaxshiroq. Bu haqda batafsil to'xtalamiz.
Taxminiy tarkiblar -
"Lester": SHmeyxel - Jastin, Evans, Morgan, Tomas - Ndidi, CHudxuri, Tilemans - Peres - Vardi, Ixeanacho.
"Manchester Yunayted": De Xea - Van-Bissaka, Lindelof, Maguayr, Uilyams - Matich, Pogba, Fernandesh - Reshford - Grinvud, Marsyal.
Tanganing narigi tomoniga nazar tashlasak, MYUning so'nggi o'yinlarida pasayish kuzatilmoqda. Oddiy raqiblar bilan o'yinlarda ham ochkolar yo'qotilmoqda. Agarda jamoa bugun mag'lub bo'lib, ECHL yo'llanmasidan quruq qolsa, etiborini Evropa ligasiga qaratishga majbur bo'ladi.
Yo'qotishlarga keladigan bo'lsak, bugungi bahsni mankunianliklardan Erik Bayi o'tkazib yuborishi aniq bo'lib ulgurgan. U "CHelsi" bilan o'yinda boshidan jiddiy jarohat olgandi. SHuningdek, Lyuk SHouning o'yinda qatnashishi so'roq ostida qolgan.
"Lester"da esa yo'qotishlar anchagina salobatli nomlarni o'z ichiga olgan: Fuks, CHilluell, Meddison, Pereyra, Amarti va Olbrayton kabi futbolchilarda jarohatlar bor, Suyunju esa o'tgan turda qizil kartochka olib, diskvalifikaciyaga uchragan.
"CHelsi" - "Vulverxempton"
Birinchi davradagi o'yin: 2:5 ("CHelsi" foydasiga)
 Chelsea | Premier League . 38-tur 26/07/2020, 20:00 - : - Boshlanmadi |  Wolverhampton Wanderers |
Stadion: Stamford Bridge
Bosh hakam: Stuart Attwell
"CHelsi" uzoq muddat davomida 3-o'rinni hech kimga bermadi, hatto 4-pog'onadagi raqibidan 10 ochkogacha o'zib ketgan payti ham bo'ldi. Biroq Lempard barqaror jamoa tuza olmagani sababli mag'lubiyatlar tez-tez kuzatilib turdi. Jamoa bir hafta oldin "Manchester Yunayted"ni mag'lub etib, Angliya Kubogi finaliga yo'llanma olgandi. Biroq APLning so'nggi 3 o'yinida londonliklar 2 marta mag'lub bo'lishdi.
Yuqorida takidlaganimizdek, "CHelsi"ning ECHLga chiqish uchun imkoniyatlari MYU va "Lester"dan ko'ra yaxshiroq. Bu yo'lda "aristokratlar"ga 1 ochko etadi. SHu orqali ular kamida 4-o'rinni naqd qilishadi. Mag'lubiyatga uchrasa klub taqdiri narigi uchrashuv natijasiga bog'liq bo'lib qoladi. SHu orqali "CHelsi" ECHL yo'llanmasidan ham quruq qolishi mumkin.
APLda o'yinlar ketma-ket bo'layotganini inobatga olsak, barcha futbolchilar charchagan va o'yinlarda har qanda natija bo'lishi mumkin, oldindan biror nimani taxmin qilib bo'lmaydi. "CHelsi" esa keyinchalik finalni o'ynashi uchun ham kuch saqlab qolishi kerak bo'ladi.
Taxminiy tarkiblar -
"CHelsi": Arrisabalaga - Ryudiger, Zuma, Aspilikueta, Alonso - Jorjino, Kovachich, Jeyms, Villian - Jiru, Pulishich.
"Vulverxempton": Patrisiu - Boli, Koadi, Saiss, Doerti - Nevesh, Jonni, Moutino, Dendonker - Ximenes, Podens.
"CHelsi"da yaxshigina yo'qotishlar bor: Kante va Barkli kabi futbolchilar anchadan buyon maydonga tushmayapti. "Bo'rilar" esa o'yinda jangovar tarkib bilan o'ynashi kutilmoqda.
SHuningdek, APLdan tushib ketadigan bir jamoa nomi aniq bo'lmagan. Bu nomga "Aston Villa" yoki "Uotford" "erishishi" mumkin. Gap shundaki, ikki jamoa ham Londonda mehmon bo'lishadi va mos ravishda "Vest Xem" hamda "Arsenal" sinovidan o'tishadi.
>>>>>> APL turnir jadvali <<<<<
Bosh sahifaga
2108