Bugungi uchrashuvdagi durang "Yunayted"ga kuchli to'rtlikda qolishiga zamin yaratadi. SHu orqali jamoa kelasi mavsumda ECHL yo'llanmasiga ega chiqadi.
"Tulkilar" hujumchisi Jeymi Vardi esa APLning ushbu mavsumdagi "Oltin butsa"si uchun kurashmoqda. Futbolchi Fred aynan undan extiyot bo'lish kerakligini aytdi.
"U tasodifan to'purar bo'lib olmadi. SHuning uchun ham uni darvozamiz oldida "qurolsizlantirishimiz" kerak. Vardi top-futbolchi va ajoyib mavsumni o'tkazmoqda.
Diqqat bilan o'ynashimiz kerak, Vardi kabi futbolchilardan ko'zni uzmaslik kerak. SHuningdek, tarkibimizda yaxshi himoyachilar etarlicha. Ular Vardini yopa olishi mumkin.
"Lester" - yaxshi jamoa va chiroyli o'yin ko'rsatadi. Ular ushbu mavsumda hatto birinchi o'rin uchun ham kurashishdi, biroq keyinchalik taslim bo'lishdi. Lekin bu ularga bo'lgan hurmatni yo'qotmaydi.
MYU esa yirik klub va har mavsumda ECHLda ishtirok etishi kerak. SHu sababli ECHLga qaytish klub uchun ham jamoa uchun ham katta narsalarni anglatadi.
Futbolchilar va klub ayni damda to'g'ri yo'ldan ketmoqda, shu sababli kelasi mavsumda ECHLda ishtirok etishga loyiqmiz deb hisoblayman", - dedi Fred.
Bosh sahifaga
623