Andijonda futbol maktab internatlari o'rtasida Respublika saralash bosqich o'yinlari start oldi

2016 yilning 22-31 mart kunlari Andijon viloyati Andijon shahrida Xalq talimi tizimida futbol bo'yicha ixtisoslashtirilgan maktab-internatlarining o'quvchilari o'rtasida XX-futbol bo'yicha musobaqalarning Respublika (saralash) bosqichi o'yinlari bo'lib o'tadi.

Bugun SHo'rbo'loq dahasida joylashgan “Futbolga ixtisoslashtirilgan maktab-internati”da musobaqaning ochilish marosimi o'tkazildi. Mezbonlar tomonidan tashkiliy ishlar munosib ravishda yo'l qo'yilganini etirof etish lozim. Musobaqaning ochilish marosimiga Andijon viloyati hokimining birinchi o'rinbosari Nishonov Muhammadjon Sodiqjonovich tashrif buyurdi va chempionatning ochilishida so'z olib, musobaqa ishtirokchilariga omad tilab, dil so'zlarini bildirdi.

So'ngra “Andijon” – “Buxoro” jamoalari o'rtasida o'yinga start berildi.

Aytish lozimki, mazkur musobaqada “Andijon”, “Buxoro”, “Xiva”, “Nukus”, “Namangan” hamda “Jizzax” jamoalari ishtirok etmoqda. 2001 yilda tug'ilgan o'smir futbolchilar o'rtasidagi musobaqa 27 mart kuni yakuniga etsa, so'ngra 2002 yilda tug'ilgan bolalar o'rtasida musobaqa start oladi.