Tan olish kerak, Ronalduning ayrim zarbalari umuman o'xshamagan, agarda o'sha paytda to'p yonida Pyanich yoki Dibala bo'lganida nimadir bo'lishi mumkin edi.
Bir paytlar Ronaldu uchun jarima zarbasi penaltiga teng edi. Asosiysi - unga jarima zarbasi taqdim qilinsa, gol ko'rardik.
Bu tarixni Ouen Xargrivz aytib bergandi. Moskvada bo'lib o'tgan ECHL-2008 finali oldidan u va Ronaldu jarima zarbalari tepishni mashq qilishgan. Ishonish qiyin, lekin Xargrivz o'shanda 10 zarbaning 9tasini van der Sar darvozasining to'qqizligiga joylab qo'ygan.
"Edvin yonimga keldida: "Ouen, finalda jarima zarbasini sen tepishing kerak", dedi. Men esa: "Krishtianudan jarima zarbalarini olib qo'ya olmayman", deb javob qaytargandim".
Krishtianu kiyim almashtirish xonasida esa Xargrivz bilan yolg'iz qoladigan vaqtni kutdi. U Ouenga jarimadan qanday zarbalar berganini ko'rganini aytdi. "Agarda bugun jarima zarbasiga ega bo'lsak, buni sen amalga oshirasan", dedi va Ronaldu jarima zarbasi tepish huquqini Xargrivzga topshirdi.
Xargrivz esa hayratda qoldi:
"U shunday inson. Ko'pchilik Ronaldu faqat o'zini o'ylaydi deb aytishadi. Huddi Ronaldu - egoist. Biroq u jamoadoshining yaxshi hususiyatini tezda anglaydi. SHu sababli bir necha bora u yo'llashi kerak bo'lgan jarimalarni men tepganman. CHunki Krishtianu o'shanda mening gol urishimni kutgandi".
Bosh sahifaga
274