Uning professional mahorati haqida albatta, jamoadoshlari so'z aytsalar maqul. CHunki u bu gazetada uzoq yillar bo'lim boshlig'i, Bosh muharrir o'rinbosari bo'lib ishlab, jamoat orasida hurmat va etibor topgan edi.
Biz esa, uning ko'pgina ulfatlari qatorida yana bir kichik davra qadrdonlari sifatida, uning vafotidan g'amsinib qoldik. Dilshod davralarda suhbatlar tizginini ushlab tura olar, yangi va qiziqarli mavzular bilan suhbatni boshqara olar, atrofdagilarning yoshlari va kasblariga qarab muomala va munosabat qilardi. O'zi juda serqirra qiziqishlar sohibi edi. Rubob chalishni qotirar, musiqiy va badiiy filmlar to'plashga «kasal» edi. Futbol olamining bilimdoni, sanat olami kishilarining chin do'sti edi. “Futbol yulduzlari” kitobi muallifi. Mamlakatimiz yangi va yaqin tarixidan xabardor bo'lgan kamsonli iqtidorlardan edi. Bu biz bilganlarimiz. Yana qalbida yashirin qancha istedod va intilishlari ham bo'lgan bo'lishi kerak.
Axbor Imomxo'jaev, Marat Asadullaev, G'ulomjon Musaev, SHoikrom Isroilov singari taniqli yurtdoshlarimiz bilan bir davrada ulfatchilik kilgan do'stimiz Dilshod Isroilov xotirasi do'stlari, ulfatlari, o'rtoqlari va qadrdonlari qalbida abadiy saqlanadi. Ollohim safaringizni xayrli qilgan bo'lsin, do'stim!
Oilasi va yaqinlariga hamdardlik bildiramiz.
Muslimbek Yo'ldoshev
O'zbekiston Respublikasida xizmat ko'rsatgan madaniyat xodimi, oliy toifali suxandon
Bosh sahifaga
82
