Poytaxt Ar Riyodda joylashgan ushbu akademiyaga Mahd Sports Academy nomi berildi. Akadnemiya ochilishi munosabati bilan FIFA prezidenti Janni Infantino Saudiya qiroliga tabrik yo'lladi.
Bu maskanda 6 yoshdan 12 yoshgacha bolalar hamda qizlar sport bilan shug'ullanishlari va tahsil olishlari mumkin. Akademiyani qurishga nima turtki bo'ldi? Aytish mumkinki, Saudiya Arabistoni milliy terma jamoasining JCH-2018dagi muvaffaqiyatsizligi. Saudiyaliklar Rossiyaga 0:5 hisobida imkoniyatni boy bergach, mamlakat sport vazirligi darhol yig'ilish o'tkazib futboldagi holatni muhokama qildi. SHundan so'ng bir qarorga kelinib, zamonaviy akademiya barpo etish ishlari boshlab yuborildi.
Endilikda Saudiya Arabistoni bir qator musobaqalarni o'zida tashkil qilib jahon etiborini qozonmoqchi. O'tgan mavsum o'tkazilgan Ispaniya va Italiya Superkubogi hamda boks bo'yicha jahon chempionati fikrimizga misol bo'la oladi. Ushbu mamlakat Mahd Sports Academy orqali ham boshqalar etiborini qozonishni maqsad qilgan. Bundan tashqari Saudiya Arabistonida 2030 yilga qadar yana bir nechta sport loyihalarni tashkil etish hamda xalqaro musobaqalarni o'tkazish rejasi ishlab chiqilgan.
Bosh sahifaga
295