Kuni kecha "Spartak" bosh direktori SHamil Gazizov Oston O'runov uchun chet el klubi 5-6 million evro taklif qilayotgani haqida aytgandi. Bu taklif Germaniya Bundesligasi klubidan kelgan va 5 milllion evroga teng.
"Spartak" uni "Ufa"dan sotib olib, darhol Germaniya klubiga sotib yuborishi mumkin. Ayni paytda FIFAning vaqtinchalik qoidasi amal qilmoqda, unga ko'ra bu yil bir futbolchi uchta turli klubda o'ynashi mumkin.
O'runovning Bundesliga klubiga transferi narxining 20 foizi "Ufa" klubiga beriladi, bu 1 million evro degani.
Biroq Gazizov O'runov haqiqiy superyulduz darajasiga chiqa oladi deb hisoblamoqda hamda uni hozir sotmoqchi emas. Gazizovning fikricha o'zbekistonlik futbolchi "Spartak"da yorqin o'yin namoyish etsa, transfer narxi 5 million evrodan qimmatroq bo'ladi.
Bosh sahifaga
1761