Bunda eng muhim omil —futbolchi hamda murabbiylar sog'ligi masalasidir.
SHu bois O'zbekiston Professional futbol ligasi tomonidan COVID-19 pandemiyasi davrida futbol klublaridagi futbolchilar, murabbiylar va boshqa mutaxassislar orasida epidemiologik vaziyatni va ularning sog'lig'i holatini nazorat qilish bo'yicha malakali shifokorlarni jalb qilgan holda Komissiya tashkil etildi.
Komissiya azolari:
1. Alisher Aripov – Sport shifokori
2. Bobir Abdazov – Sport shifokori
3. Nasiba Alimova – SHifokor-kardiolog
4. Rano Qosimova – SHifokor-infekcionist
Komissiyaning asosiy vazifalari etib, futbol klublari shifokorlari bilan muntazam onlayn aloqada bo'lgan holda ish olib borish, koronavirusga test topshirish jarayonini muvofiqlashtirish, jamoalar orasida koronavirus infekciyasi bilan kasallanganlarni aniqlash, kasallik aniqlangan holatlarda kerakli tavsiyalarni berish hamda futbolchilarning sog'lig'i holati qayd etib boriladigan elektron bazasini ishlab chiqish belgilandi.
Komissiya azolari bilan futbol klublari o'rtasida o'rnatilgan aloqalarning mustahkamligi COVID-19 pandemiyasi davrida chempionat musobaqalarini samarali tashkil etilishiga xizmat qilishi mumkin.
Bosh sahifaga
160