Saytimiz manbalariga ko'ra, "Qizilqum" klubi rahbariyati selekciya ishlari bilan mashg'ul. Ayni paytda "Lokomotiv" qarorgohini kecha tark etgan Ignatiy Nesterov va Oybek Qilichev keyingi faoliyatini "Qizilqum" bilan bog'lash arafasida.
Kecha xabar berganimizdek, "Qizilqum" AGMKning sobiq himoyachisi Vladislav Kasminindan tashqari "Surxon"ning qator futbolchilariga ham qiziqish bildirmoqda.
Xususan qanot vingeri, huquqiy jihatdan "Paxtakor"ga tegishli bo'lgan Husniddin G'ofurov, markaziy himoyachi Darko Stanoevich va hujumchi Aleksandr Kasyan "Qizilqum" jamoasi qiziqishlari doirasida. Ayni paytda klub mazkur futbolchilar bilan muzokaralarni davom ettirmoqda.
Menejer Hamidjon Aktamov qisqa fursatdagi tanaffusdan keyin "Qizilqum" boshqaruviga qaytishini katta transferlar orqali amalga oshirishni rejalashtirgan.
Bundan tashqari ham klub jamoaga yana mahoratli futbolchilarni taklif etishni mo'ljallagan.
Eslatib o'tamiz, "Qizilqum" joriy mavsum Superligada 9-turdan keyin umuman g'alaba qozonmagan va 2 durang evaziga qo'lga kiritilgan 2 ochko bilan jadvalda 13-o'rinni mustahkam turibdi.
Bosh sahifaga
280