Saytimiz muxbiri futbolchi bilan bog'lanib, intervyu tashkil etdi. Quyida mazkur intervyuning to'liq shakli bilan tanishishingiz mumkin.
- Farruh, o'tgan mavsumni Qozog'iston chempionatida o'tkazgan edingiz. Ayni damda karantin tufayli bu davlatda futbol uchrashuvlari to'xtatilgan. Hozirgi kunda nimalar bilan bandsiz?
- Ha, ayni vaqtda O'zbekistondaman. Karantin tufayli Qozog'istonga ketolmadim. Bundan tashqari u erda futbol uchrashuvlari nomalum muddatga to'xtatilgan. SHu bois endilikda erkin agentman.
- Qozog'iston va O'zbekiston chempionatlarida qanday farqni sezdingiz?
- Aslida farq unchalik ham katta emas. Birgina farqi shuki, bizda texnik jihatdan futbol tashkil etilsa, Qozog'istonda asosan jismoniy imkoniyat yuqori bo'lishi talab etiladi. Yani futbol uchrashuvlari kurashlardan iborat bo'ladi.
- "Maxtaaral"dagi natijalaringiz qanday bo'ldi?
- Qozog'iston birinchi ligasiga o'tgan mavsum yarmida borib qo'shildim. Jami 11 ta uchrashuvda maydonga tushib, 6 ta gol urdim, 4 ta uzatmani amalga oshirdim. Jamoamizni quyi o'rinlardan yuqori o'rinlarga olib chiqishga o'z hissamni qo'shishga harakat qildim.
- Bilamiz, O'zbekiston chempionatlarida bir nechta Superliga va PRO-Liga klublari safida o'ynagansiz. Qozog'iston chempionatiga o'tish fikri qanday paydo bo'ldi?
- Superligada oxirgi klubim "Metallurg" bo'lgan. Undan keyin PRO-Liga vakili "Nurafshon" jamoasi safida o'ynadim, mavsum yakunida V PRO-Ligada chempionlikka erishdik. Lekin turli moliyaviy xolatlar sabab klub yopilib ketdi. Mavsum davomida "Maxtaaral"dan bo'lgan taklifni qabul qildim va jamoa tarkibiga qo'shildim. Menda legioner sifatida o'zimni sinab ko'rish istagi ham bor edi.
- Xabaringiz bo'lsa, bizda avgust oyining ikkinchi yarmidan boshlab Superliga uchrashuvlari Toshkent shahri va Toshkent viloyatida markazlashgan xolda o'tkaziladi. Mazkur holatga munosabatingiz qanday?
- Futbol o'ynashga imkoniyat bormi, demak chempionatni o'tkazish kerak. Superligani markazlashgan holda tashkil etilishini ijobiy baholayman. Koronavirus bizni chempionatimizga, o'zbek futboliga soya solmasligi kerak. Oldinda terma jamoalarimizni xalqaro uchrashuvlar kutib turibdi. Futbolimiz mutassaddilari ham bu borada o'ylab ko'rib shu qarorga kelishgani aniq.
Bekzod Tolibov suhbatlashdi.
Bosh sahifaga
883