Kecha milliy jamoamiz Temur Kapadze murabbiyligidagi O'zbekiston yoshlar terma jamoasiga qarshi maydonga chiqdi va 3:2 hisobida g'alaba qozondi. O'yindan so'ng milliy terma jamoaga ilk bor taklif etilgan Hojimat Erkinovning fikrlari bilan qiziqdik.
"Mashg'ulotlar yaxshi ketmoqda. Barcha futbolchilar bor kuchi bilan harakat qilyapti. Har bir kungi mashg'ulot ko'tarinki kayfiyatda o'tmoqda desam mubolag'a bo'lmaydi. Uyda o'tirgan edim, kech bo'lib qolgandi, O'FA rasmiy saytida terma jamoaga chaqirilganlar ro'yxatida ismimni ko'rib qoldim. Milliy jamoadan taklif olish har bir futbolchining orzusi hisoblanadi. Albatta, milliy jamoa bilan mashg'ulotlarda ishtirok etish menga katta tajriba va malaka oshirish imkonini beradi. Hali yoshman, o'rganishim kerak. Vadim Abramov haqida faqat ijobiy fikr bildirishim mumkin. Yaxshi inson va yaxshi murabbiy",- deydi AGMK futbolchisi Hojimat Erkinov.
Abdulaziz Iskandarov yozib oldi.
Bosh sahifaga
187