– Siz "Valensiya"ning sport direktoriga aylandingiz va Ronalduni xarid qilishga urinib ko'rgan edingiz. Nega bu ish bermadi?
– Biz uni xarid qilish uchun etarli manbalarni topdik. Klub Ronalduning homiylari hisoblangan Nike va Coca Cola kompaniyalari bilan kelishib oldi. Krishtianu o'sha paytda yiliga 10 million daromad qilardi. Bu "Valensiya" darajasidagi klublar uchun juda katta mablag' hisoblanadi.
Aynan shu davrda u "Manchester Yunayted"da keskin vaziyatda qolgan (JCH-2006da Angliya terma jamoasi hujumchisi Ueyn Runi o'yindan chetlatilishi bilan bog'liq holat tufayli), hamon ECHLda g'olib bo'lmagan edi. Men uning agenti Jorje Mendesh bilan gaplashdim. 2006/07 yilgi mavsumda "Valensiya" avjiga chiqishi kerak edi. Klub yangi stadion qurishni rejalashtirayotgan bir paytda jamoa uchun 250 million dollar sarflashga qaror qilgan jiddiy prezident bor edi.
Men Ronalduni xarid qilish uchun rahbarning roziligini oldim. Bu transfer "Valensiya" tarixini o'zgartirib yuborishi mumkin edi. Mening qo'limda allaqachon Mendesh bilan imzolangan kelishuv ham bor edi, ammo bitim amalga oshmadi. Ronaldu esa keyinroq "Real"ga o'tib ketdi (2009 yil). Bazi xaridlar klubning butun tarixini o'zgartirib yuborishi mumkin. Men Krishtianuni "Valensiya"ga olib kelolmaganim uchun afsuslanaman", – dedi Karboni.
Bosh sahifaga
181
