Yuzaga kelgan tanaffusdan foydalanib saytimiz muxbirlari PRO-Liga jamoalari futbolchilari bilan intervyular tashkil etishmoqda. Quyida Farg'onaning "Neftchi" klubi etakchi futbolchilaridan biri Farruh Turdaliev bilan tashkil etilgan intervyuni etiboringizga havola etamiz.
- Farruh, ayni damda "Neftchi" mashg'ulotlari qay tarzda o'tmoqda?
- Mashg'ulotlarimiz karantin qoidalariga to'liq rioya qilingan xolda olib borilmoqda. Kerak bo'lsa, klubimiz qarorgohida barcha jamoamiz azolari qolib mashg'ulotlarni tashkil etmoqdamiz. Klubimiz murabbiylar shtabi bizni har uchrashuvda g'alaba uchun tayyorlamoqdalar.
Yuzaga kelgan tanaffus vaqtida koronavirus infekciyasiga test topshirdik, shukri, barcha jamoamiz azolari sog'lom ekan.
- PRO-Liga klublari orasida qaysi jamoalarning chempionlikka imkoniyatlarini yuqori baholaysiz?
- Hozircha endigina 3 ta tur o'tkazdik, shu sababli qaysidir jamoani alohida aytish qiyin. Boshqa jamoalarga hurmatni saqlagan xolda "Neftchi"ning imkoniyatlarini yuqori baholayman. Nasib bo'lsa mavsum yakunida Superliga yo'llanmasiga ega chiqamiz.
- Bugunga qadar PRO-Ligada 3 ta tur uchrashuvlari o'tkazildi. "Oq-tepa" bilan safarda kechgan uchrashuvda durang, "Dinamo" va "Xorazm" mag'lub etildi. SHu o'yinlar haqida nimalarni ayta olasiz?
- O'tkazilgan 3 ta tur mobaynida raqiblardan ustun ekanligimiz yaqqol ko'rindi. Buni qayd etilgan natijalar ham aytib turibdi. Safarda "Oq-tepa" bilan bo'lgan uchrashuvda 5-6 ta golli vaziyatdan foydalana olmadik, aks xolda hisob butunlay boshqacha bo'lardi. O'yin oxiridagi penalti tufayli g'alabani qo'ldan chiqardik.
- Pandemiya davrida PRO-Ligani markazlashtirilgan xolda o'tkazish fikriga munosabatingiz qanday?
- Bu savolni klub rahbarlari va murabbiylarimizga berganingiz maqul. Biz qachon va qaerda bo'lsa ham futbol o'ynashni istaymiz, "Neftchi" nomidan faqat g'alaba uchun maydonga chiqamiz.
- Bir necha yillardan beri "Neftchi" tarkibida faoliyat olib borasiz. Quyidagi darvozabonlar orasidan qaysi birini alohida ajratib ko'rsatgan bo'lardingiz? G'ayrat Hasanov, Xislat CHilmatov, Yuriy Coy...
- Bu darvozabonlarning hech birini alohida ajratib ko'rsatish qiyin. Har birining o'ziga xos ustun tomonlari bo'lgan, jamoamizning ko'plab g'alabalariga o'z hissalarini qo'shishgan.
Bugungi kunda Xislat aka CHilmatov bizga murabbiylik qilmoqda, yaxshi do'stmiz. U kishidan ko'p narsalarni o'rganib kelmoqdaman. G'ayrat aka Hasanov bilan aka-ukadekmiz, ko'p gaplashib turamiz.
- Futbolchi sifatidagi maqsadlaringiz qanday? Bugunga qadar nimalarga erishdingiz, nimalarga endilikda erishmoqchisiz?
- Futboldagi vazifam yakuniga etguniga qadar faqat olg'a intilaman. Faoliyatimda turli past-balandliklar bo'ldi, tan olish kerak. Lekin doim o'z ustimda ishlashga, o'sishga intilganman. Ruslarda "opyt godami" degan ibora bor. Men ham 5-6 yil oldingidan ko'ra hozir boshqacha fikrlayapman. Bejizga bu iboralar aytilmagan.
Bekzod Tolibov yozib oldi
Bosh sahifaga
137
